«Legal and Tax Consulting»-ի հաջող ընտրված մարտավարության շնորհիվ Արցախում գրանցված ընկերության բանկային հաշվում առկա դրամական միջոցները ճանաչվել են տիրազուրկ ու դրանց նկատմամբ ճանաչվել է ընկերության միակ մասնակցի սեփականության իրավունքը
Հաճախորդը Լեռնային Ղարաբաղի Հանրապետությունում գրանցված իրավաբանական անձ էր, որը սահմանված ժամանակետում չէր ներկայացրել Հայաստանի Հանրապետությունում իր պետական գրանցման ճանաչման վերաբերյալ դիմում, որի հետևանքով համարվել էր ՀՀ-ում պետական գրանցում չստացած , այլ կերպ դադարել էր համարվել իրավունքի սուբյեկտ։ Խնդիրն այն էր,որ հաճախորդը ՀՀ-ում գործող բանկերից մեկում ուներ բացված բանկային հաշիվ, որտեղ առկա էին բավականին խոշոր չափի դրամական միջոցներ: Քանի որ հաճախորդը սահմանված ժամկետում չէր ներկայացրել պետական գրանցման ճանաչման վերաբերյալ դիմում, բանկը հրաժարվում է կատարել հաճախորդի վճարման հանձնարարականը։ Հաճախորդի համար շատ կարևոր էր հնարավորինս արագ լուծել առաջացած իրավական խնդիրը, և մեր թիմը ուսումնասիրելով ՀՀ գործող օրենսդրությունը, ինչպես նաև ձևավորված իրավակիրառ պրակտիկան, որոշեց ոչ թե դիմել դատարան բանկի դեմ, այլ որոշեց հատուկ վարույթի կարգով դիմե; և պահանջել տիրազուրկ ճանաչել ընկերության բանկային հաշվում առկա դրամական միջոցները և դրանց նկատմամբ ճանաչել դիմողի՝ տվյալ դեպքում ընկերության միակ մասնակցի սեփականության իրավունքը։ Արդյունքում դատարանը բավարարեց մեր կողմից ներկայացված հայցը, ընկերության բանկային հաշվում առկա դրամական միջոցները ճանաչեց տիրազուրկ և դրանց նկատմամբ ճանաչեց ընկերության միակ մասնակցի սեփականության իրավունքը։ Սրա շնորհիվ մենք կարողացանք լուծել հաճախորդի առաջ ծառացած իրավական խնդիրը հնարավորինս ամենաարագ ճանապարհով։